1. Běštaj pak, běštaj pak młodaj dwaj,
swěru so lubo měještaj.

2. Prěni mól hromadźe wječerještaj,
lubemu na wójnu kazachu.

3. »Na wójnu ja wšak derje chcu,
komu pak přiruču lubčičku?

4. Najprjedy temu lubom Bohu,
potom wšim frejnym towaršam.

5. Potom wšim frejnym towaršam,
potom wšim dobrym towarškam.«

6. »Štó budźe namaj te powěsće słać,
hdyž dźě mój choraj budźemoj?

7. Hdyž dźě mój choraj budźemoj,
jedyn aby druhi wumrjemoj?«

8. »Wšak je w tym hajku tón dróbny ptačk,
tón budźe namaj te powěsće słać.«

9. Přeco je lětał z wjesełymi,
jedyn mól přileća ze zrudnymi.

10. »Holička, ty dyrbiš luboh želić,
přetož twój luby ći zemrěł je.«