1. Nikom’ se na swjeśe gorej nejźo,
Ako tym bógim syrotkam.

2. Ako tym bógim syrotkam,
Kenž nana, myterki njamaju.

3. Nichtó jich ńebuźo zagroniś,
Miłego słowka zastajiś.

4. Ga źen ty zagranjaj, miły bóg,
A gljedaj na ńe z ńebja dołej.

5. Myterku z dwyru wen njasechu,
Ẃele tam luźi za ńej ’źo.

6. Myterku na kjarchob njasechu,
Źjeśi tak žałosńe płakachu.

7. Myterku do rowa stajachu,
Źjeśi ruce k ńebju zwigachu.

8. ’Šykne te luźe domoj ’du:
Naša ta myterka niźi ńej’.

9. Źjeśi se domoj zejźechu,
’Šykne tak welgen płakachu.

10. Staršy bratš bješo mudrejšy,
Gronjašo: Melcćo, ńepłacćo!

11. Bóg ten jo hyšćer na ńebju,
Wyn ’źo nas ’šyknych zažarbowaś.

* * *

12. Nikom’ se na swjeśe gorej nejźo,
Ako tym chudym wudowam.

13. Ako tym chudym wudowam,
Kenž swyjich rownja njamaju.

14. Nichtó jich ńebuźo zagroniś,
Miłego słowka zastajiś.

15. Ga źen ty zagranjaj, miły bóg,
A gljedaj na ńe z ńebja dołej.