1. Nikom’ se na swěśe gorjej njejźo,
ako tym bogim syrotkam.

2. Ako tym bogim syrotkam,
kenž nana, myterki njamaju.

3. Nichto jich njebuźo zagroniś,
miłego słowka zastajiś.

4. Ga źen ty zagranjaj, miły Bog,
a glědaj na nje z njebja dołej.

5. Myterku z dwyru wen njasechu,
wjele tam luźi za njej źo.

6. Myterku na kjarchob njasechu,
źěśi tak žałosnje płakachu.

7. Myterku do rowa stajachu,
źěśi ruce k njebju zwigachu.

8. »Wšykne te luźe domoj du:
Naša ta myterka niźi njej’.«

9. Źěśi se domoj zejźechu,
wšykne tak wjelgen płakachu.

10. Staršy bratš běšo mudrjejšy.
Gronjašo: »Mjelcćo, njepłacćo!

11. Bog ten jo hyšćer na njebju,
wyn źo nas wšyknych zažarbowaś.«

* * *

12. Nikom’ se na swěśe gorjej njejźo,
ako tym chudym wudowam.

13. Ako tym chudym wudowam,
kenž swyjich rownja njamaju.

14. Nichto jich njebuźo zagroniś,
miłego słowka zastajiś.

15. Ga źen ty zagranjaj, miły Bog,
a glědaj na nje z njebja dołej.