1. Přadła Marja kudźełku,
kudźełku židźanu.
Prěnju je nitku napřadła,
kudźełku dopřadła.

2. Šiła je Marja košulku,
košulku židźanu.
Prěni je šowčik zešiła,
košulku došiła.

3. Šła je tam Marja do cyrkwje,
do cyrkwje Božeje.
Wona je paćerje spěwała,
k Bohu so modliła.

4. K njej stej tam přišłoj dušcy dwě,
stej so nutř kłapałoj:
»Pušć naju, swjata Marja, nutř,
Marja, maćer Boža.«

5. »Nutř waju pušćić njemóžu,
jandźelki rejwaja tu
we swojich židźanych košulkach,
we wěnčkach zelenych.«

6. Marja ta reje wjedźeše
ze swojim dźěćatkom,
tak wona Bohu so lubješe.
Jandźelki sćěh’wachu.