Serbske ludowe spěwy

Steji ta woda lěto tam

2. ||: Hdźež so wón z holčku rozrěča, :||
z tej rjanej běłej, čerwjenej.

3. ||: »Chceš-li ty z nami wandrować, :||
ty rjana běła, čerwjena?«

4. ||: »Z wami drje chcu ja wandrować, :||
moja stara mać mi njepřiwda.«

5. ||: »Kulej ty radšo z jabłučkom, :||
z tym rjanym běłym, čerwjenym.

6. ||: Hdźež ći jabłučko poběhnje, :||
tam so ty za nim powjezeš.«

7. ||: Kuliła holčka z jabłučkom, :||
z tym rjanym běłym, čerwjenym.

8. ||: Jabłučko přeco běžeše, :||
do nowoh dwora N. N.-ec.

9. ||: Jank tón na proze steješe, :||
tak při sebi sej pomysli:

10. ||: »To dźě je tajke jabłučko, :||
kaž mojej’ lubki ličičko.«

11. ||: Kulił je hólčik z jabłučkom, :||
z tym rjanym běłym, čerwjenym.

12. ||: Hdźež jom jabłučko poběhnje, :||
tam so wón za nim powjeze.

13. ||: Jabłučko přeco běžeše, :||
do nowoh dwora N. N.-ec.

14. ||: Hanka na proze steješe, :||
tak při sebi sej pomysli:

15. ||: »To dźě je tajke jabłučko, :||
kaž mojoh luboh ličičko.«

16. N. N.-ecy wulke płakanje,
N. N.-ecy wulke skakanje,
zo młodu žonu wjezeja.

17. ||: Z tym brinkot klinkot konjemi, :||
z tymi wobkowanymi wozami.