1. ||: Steji ta woda lěto tam, :||
hdźež luby konjow napowa,

2. ||: Hdźež so wón z holčku rozrěča, :||
z tej rjanej běłej, čerwjenej.

3. ||: »Chceš-li ty z nami wandrować, :||
ty rjana běła, čerwjena?«

4. ||: »Z wami drje chcu ja wandrować, :||
moja stara mać mi njepřiwda.«

5. ||: »Kulej ty radsjo z jabłóčkom, :||
z tym rjanym běłym, čerwjenym.

6. ||: Hdźež ći jabłóčko poběhnje, :||
tam so ty za nim powjezeš.«

7. ||: Kuliła holčka z jabłóčkom, :||
z tym rjanym běłym, čerwjenym.

8. ||: Jabłóčko přeco běžeše, :||
do nowoh dwora N. N.-ec

9. ||: Jank tón na prozy steješe, :||
tak při sebi sej pomysli:

10. ||: »To dźě je tajke jabłóčko, :||
kaž mojej’ lubki ličičko.«

11. ||: Kulił je hólčik z jabłóčkom, :||
z tym rjanym běłym, čerwjenym.

12. ||: Hdźež jom jabłóčko poběhnje, :||
tam so wón za nim powjeze.

13. ||: Jabłóčko přeco běžeše, :||
do nowoh dwora N. N.-ec

14. ||: Hanka na prozy steješe, :||
tak při sebi sej pomysli:

15. ||: »To dźě je tajke jabłóčko, :||
kaž mojoh luboh ličičko.«

16. N. N.-ecy wulke płakanje,
N. N.-ecy wulke skakanje,
zo młodu žonu wjezeja.

17. ||: Z tym brinkot klinkot konimi, :||
z tymi wobkowanymi wozami.