1. Wšitke rjane holcy
na piwo du.
Rjana Hanka z Jankom
lubym tež dźe.

2. »Hdźe ha ty mje wjedźeš,
ty Janko mój,
zo tola po šćežce
mje njewjedźeš?«

3. »Čakaj, moja Hanka,
šće mały kusk,
mój budźemoj skoro
nětk do wsy přińć.«

4. »Wobroć so, mój Janko,
kusk wote mnje,
njech sebi mój šórcušk
ja podwjazam.«

5. Jank tón so wot Hanki
kusk wobroći,
Hanka storči Janka
do skały nutř.

6. »Podaj, moja Hanka,
mi pišćałku,
zo bych sej ja hišće
móhł zapiskać.«

7. »Pišćałku, mój Janko,
ći njepodam,
móžeš rubježnikow
sej zapiskać.«

8. »Ja sym tebje, Hanka,
drje dawno znał,
hišće prawje derje
so njespóznał.

9. Po twojej rjanosći
sym tebje znał,
po twojej falšnosći
će njespóznał.«