1. Wšitke rjane holcy
Na piwo du;
Rjana Hanka z Jankom
Lubym tež dže.

2. ›Džeha ty me wedžeš,
›Ty Janko mój;
›Zo tola po šćežcy
›Me newedžeš?‹

3. »Čakaj, moja Hanka,
»’šće mały kusk,
»Mój budžemój skoro
»Njetk dó wsy pšinć.«

4. ›Wobroć so, mój Janko,
›Kusk wotemne,
›Nech sebi mój šorcušk
›Ja podjazam.‹

5. Jank tón so wot Hanki
Kusk wobroći,
Hanka storči Janka
Do skały nuts.

6. »Podaj, moja Hanka,
»Mi pišćałku,
»Zo bych sej ja hišće
»Móhł zapiskać.«

7. ›Pišćałku, mój Janko,
›Ći nepodam,
›Móžeš rubežnikow
›Sej zapiskać.‹

8. »Ja sym tebe, Hanka,
»Dre dawno znał,
»Hišće praje derje
»So nespóznał.«

9. »Po twojej rjanosći
»Sym tebe znał,
»Po twojej falšnosći
»Će nespóznał.«