1. ›Mi je so džens nocy zejdžało,
›Zo je mi lubčička wumreła.‹

2. ›Seduj mi, bratsiko, konika,
›Seduj mi pšeco wobej’ dweju.‹

3. ›’Cemoj mój jjeći k Šołćicom,
›’Cemoj jjeć do Žulic k Šołćicom.‹

4. ›’Cemoj tam tola mój wo’ladać,
›Hač je mi wjerno aby nej’.‹

5. Šołćina po dwori khodžeše,
Čornej tej sukni hač do zemje.

6. ›Pomhaj bóh, pomhaj bóh, Šołćina!
›Džeda maš ty twoju džówčičku?‹

7. »Wone je džensa mi rune ljeto,
»Zo smy ju na keŕchow dowezli.«

8. »Z tymaj mi čornymaj konjomaj,
»Z tymaj mi bjełymaj šumylomaj.«

9. Hólčik tón zawróći konika,
Pšeco wón ćjereše do Khrósćic.

10. Pšeco wón ćjereše do Khrósćic,
Pšeco wón ćjereše na keŕchow.

11. Tsi molje keŕchow wón wobrajtowa,
Na jeje rówčku wón pozasta.

12. ›Stawaj mi horje, holečo,
›Daj mi te moje zawdanki zas’!‹

13. »›Horje ći stawać ja nemóžu,
»›Zawdanki ći ja dać nebudu.‹«

14. »›Ćežki mam kameń na wutrobi,
»›Dróbnu mam peršć na wočomaj.‹«

15. »›Rajtuj ty mojeji maćeri dom,
»›Nech ći šak wona te zawdanki da.‹«

16. »›Z bantom te črije su na kšini,
»›Rubiško židžane we kšini.‹«

17. »›Peršćeń mam sljeborny na porsći,
»›Teho ty nidy zas neskrydneš.‹«

18. »›Džensa pak za rune ljeto,
»›Da budžeš, luby, tejž pola me.‹«

19. Hólčik tón zawróći konika,
Pšeco wón ćjereše k maćeri dom.

20. ›Och, luba stara mi maćeŕka,
›Daj mi ty njetko te zawdanki zas.

21. ›Z bantom te črije su na kšini,
›Rubiško židžane we kšini.

22. ›Peršćeń ma sljeborny na porsći,
›Teho ja nidy zas neskrydnu.

23. Stara mać zawdanki dawaše,
Hólčik pak žałosnje płakaše.

24. Pše čo da płačeš, ty synko mój?
Šako maš tajkich’lej holcow dosć,

25. Wele mi reńšich a bohatsich,
Wele mi reńšich a pjeknišich.

26. ›Dyž twoju džówku ja neskrydnu,
›Da ja wo druheje nerodžu.‹

27. Hólčik tón zawróći konika,
Pšeco wón ćjereše k tyšerej.

28. Pšeco wón ćjereše k tyšerej,
Dał je sej džjełaći nowy kašć.

29. ›Ja ’cu tejž tam być, džež wona je,
›Džež moja lubka najlubša je.‹