1. Pśed tym sudnym dnjom
jo tak njewjasoło.

2. Du se zymne dešće,
duju zymne wětśe.

* * *

3. Pósłał jo pak Noas
dołoj do tog’ swěta
dweju wronaškowu.

4. Lětałej stej, lětałej,
styržasća tam dnjow
a styržasća nocow.

5. Leśełej stej, leśełej,
naspjet k Noasoju.

6. »Noas, luby Noas,
wšykne su se luźe
z wódu pótopili.«

7. Pósłał jo pak Noas
dołoj do tog’ swěta
dweju gołubjaškowu.

8. Lětałej stej, lětałej,
styržasća tam dnjow
a styržasća nocow.

9. Leśełej stej, leśełej,
naspjet k Noasoju.

10. »Noas, luby Noas,
woz tšubału wětšu.

11. Tšub tych luźi górjej,
žywych a wumarzych.«

* * *

12. Rědna duša, stawaj,
źi ku swójem’ śěłu.

13. Wot swójego śěła
do Bóžego raja.

14. Wo tom Bóžom raju
jo tak wjaselenje.

15. Tam te duše graju,
jańźele spiwaju.

16. Wo tej pak mě heli
jo tak njewjasoło.

17. Tam złe duchy wuju,
woni tak tam ryju.