1. Co ga som kuli ja cyniła,
až som se młoduška woženiła?
Och božcycko, och lejdarjaško!

2. Doma som měła z mlokom lałki,
tuder pak njezmějom ze solu chlěba.
Och božcycko, och lejdarjaško!

3. Doma som měła guste kšupy,
tuder pak njezmějom gustu muku.
Och božcycko, och lejdarjaško!

4. Doma som měła z bantami crjeje,
tuder pak njezmějom z rjemuškami.
Och božcycko, och lejdarjaško!

5. Doma som choźiła ako nunka,
tuder b’źom choźiś ako tunka.
Och božcycko, och lejdarjaško!

6. Doma som choźiła huj, huj, huj,
tuder b’źom choźiś puj, puj, puj.
Och božcycko, och lejdarjaško.