1. Jědu k nam, jědu Byrkojske
po wšyknych gyrkach a po wšych dołkach,
po wšyknych gyrkach zelonych.

2. Gaž su pak do Byrkow pśijěli,
chopili wyni se dopšašowaś
py tym mě Rědniškojc nowym dwyrje.

3. »Cośo jen wěźeś, wy Byrkojske,
||: comy jen derje wam pykazaś.« :||

4. Pśed tym mě Rědniškojc nowym dwyrom,
||: tam stoj ta lipa zelona. :||

5. Spyd njeje seźi źěwcyšćo,
šyjo dwa šanta žyźanej,
wijo dwa wěnka ruśanej.

6. Jaden ten buźo daś gylcoju,
||: drugi ten buźo sama nosyś. :||

7. Gaž se tam wyni dopšašachu,
||: dwa gerca lubosnje zajgraštej. :||

8. »Gotuj se radna, gotuj se rědna,
||: my mamy nawoženju pśed dwyrom!« :||

9. Maś, ta pak źěwčo głaźašo,
||: źěwčo tak žałosnje płakašo. :||

10. »Pśec ga źen ty tak wjelgin płakaš?«
||: »Pśec ga ja płakaś njedeju! :||

11. Gaž źen te kynje jogo njejsu,
||: te kynje ga su spožycone.« :||

12. »To njejsu kynje spožycone,
to ga su nejblišeg’ suseda,
togo nejrědnjejšeg’ kumpana.«

(Rozžegnowanje njewjesty.)

13. Dobru noc, dobru noc, myj luby nan,
mějśo źěk, až sćo mě skubłali,
a taku rědnu wuklědowali.

14. Dobru noc, dobru noc, luba mama,
mějśo źěk, až sćo mě skubłali,
a taku rědnu wuklědowali.

15. Dobru noc, dobru noc, myj luby bratš,
wydaj mě wšykno z wutšoby,
což som napśeśiwo cyniła.

16. Dobru noc, dobru noc, luba šotša,
wydaj mě wšykno z wutšoby,
což som napśeśiwo cyniła.

17. Wšykno som sebje ja zebrała,
myje łyžejśa a myje zbyžo,
wěnaška som sebje zabyła.

18. Kytra ta najstarša towariška,
||: daśi jen mě how pśinjeso. :||