1. Naljeto se pśibliža,
’Šykna ta tšawa zelona jo.

2. ’Šykna ta tšawa zelona jo,
’Šykne te kwjetki bjełe cerwone su.

3. Źówčo to gorśe ryjašo,
Pśecej tak ẃelgin tužašo.

4. Pśec’ga ty tužyš, źowcyšćo?
Jo śi twój foter a móterka gram; –

5. Jo śi twój foter a móterka gram,
Abó jo luby śi wotpoẃeźeł?

6. Mi ńej’ mój foter a móterka gram,
Teke nej’ luby mi wotpoẃeźeł.

7. Źinsa jo južo sedym ljet,
Ak luby jo zlubił zasej pśiś.

8. A buźoš ty tam hordowaś,
Pśipoẃeź jom’ wele towzynt raz dobrego.

9. Daśi wón na te słowa spomysli,
Co moj smoj njega groniłoj.

10. Bjełej tej ruce nawdałej,
Złotne te ṕeršćeńe zawdałej.

11. Och ńewjeŕ źe, ńewjeŕ ty rjedne źowčo,
Snaź mógu ja ten samy byś.

12. Njeto dejš ty ta mója byś,
Nikula žedna druga nic.

13. Rjedna ta Hana Nugliškojc,
Rjedny ten Mato Tšadowkojc.

14. A stej dwa rjednej, nadobnej,
Hoboj stej na se spodobnej.