1. Tam we tej nowej zagroźe,
Wjeriwjerijanku!
Tam stoj zelona lješćinka.
O hej!

2. Coga pak na ńej rosćašo?
Wjeriwjerijanku!
Rosćachu na ńej worjaški,
O hej!

3. Chtóga worjaški tergašo?
Wjeriwjerijanku!
Tergašo je ten Juro sam.
O hej!

4. Komuga je wón nosašo?
Wjeriwjerijanku!
Nosašo starej maśeri.
O hej!

5. Coga ’coš, rjedny, za ńe mjeś!
Wjeriwjerijanku!
Ju kśjeł tu wašu Anku mjeś.
O hej!

6. Ga dejš ty wele chljeba mjeś
Wjeriwjerijanku!
Nezmjejom ja jej chljeba dosć; –
O hej!

7. Ga ’cu jej guskow nakupiś,
Wjeriwjerijanku!
Hyšćer do mloka nadrobiś,
O hej!