1. Syrotka obejšła tśi raz kjarchob, :,:
Mótercyny rów jo nadejšła.

2. Stawajśo wy górej, mója maśi! :,:
’Źiso wy mje skibku wotkšajat.

3. ›Tyga maš tam młodu mamu doma, :,:
›Daś ći wóna skibku wotkšajo.‹

4. Młoda mama ma dosć swójich źjeśi,
Swójim wóna te topeńki pjaco,
Mje spalene skórki ńedajo.

5. Stawajśo wy górej, mója maśi? :,:
Źiśo wy mje zgełko upałkat,

6. ›Ty ga maš tam młodu mamu doma, :,:
›Daś ći wóna zgełko upałce.‹

7. Młoda mama upałce mje zgełko,
Ale jo tek stergajo do lumpka,
Chyśi mje jo potom do nugła.

8. Stawajśo wy górej mója maśi! :,:
’Źiśo wy mje głowku pocesat.

9. ›Ty ga maš tam młodu mamu [d]oma :,:
›Daś ći wóna głowku pocaso.‹

10. Młoda mama pocaso mje głowku,
Ale pobijo mje tek do ńeje,
Starcy ju wot seb́e pśecer pśejc.

11. Stawajśo wy górej, mója maśi! :,:
Móje góle wjecej ńestawam.

12. ›Na hutšob́e lažy śježki kameń,
›Na wocyma lažy bjeły pjesack,
›Na nogoma pak zeleny dern.‹ –

13. Pśileśeštej dwa janźela z nebja,
Pśimjoštej tam syrotku za ruku,
Leśeštej z ńeju do ńebja nutś.