1. Žeńska, ta źo na piwo,
aj juchhaj!
»Cłojek, ty dejš doma byś.«
Taladridy raladridy raladridom.

2. »Cłojek, ty dejš doma pśěsć,
aj juchhaj!
Teke šklě a talarje myś.«
Taladridy raladridy raladridom.

3. Žeńska pśiźo z piwa domoj,
aj juchhaj!
»Cłojek, wjele ty sy napśěł?«
Taladridy raladridy raladridom.

4. »Tśi raz som ja zawartnuł,
aj juchhaj!
Ja som šklě a talarje mył.«
Taladridy raladridy raladridom.

5. Žeńska weze pśěslicu,
aj juchhaj!
Deri cłojekoju pśez kśicu.
Taladridy raladridy raladridom.

6. Cłojek skocy z woknom wen,
aj juchhaj!
Susedoju do dwyru.
Taladridy raladridy raladridom.

7. »Mě jo źinsa myja biła!«
Aj juchhaj!
»Mě jo teke myja biła!«
Taladridy raladridy raladridom.

8. »Pśec sćo take šelmy byli,
aj juchhaj,
a sćo sebje take brali.«
Taladridy faladridy raladridom.

9. »Byźćo drugi raz mudrjejše.
Aj juchhaj!
Bjerśo sebje swyjog’ rownja.«
Taladridy faladridy raladridom.