1. Anka źěšo po wódu
do běłego jazora.

2. Bańku wódy nacrjeła,
pjeršćenik jo spušćiła.

3. Luby źěšo po wódu,
swóje brune napowat.

4. Pjeršćenik jo namakał,
pjeršćenik ten złóśany.

5. »Luby, daj mě pjeršćeń zas,
cu śi daś wěnk ruśany.«

6. »To by pšawy błazan był,
gab ja pjeršćeń za wěnk dał.«

7. »Wěnašk, ten jo ruśany.
Pjeršćeń, ten jo złóśany.«

8. Toriła jog’, toriła.
Domoj jo jog’ spórała.

9. Z piwkom, winkom wopojła,
złoty pjeršćeń zejmjeła.

10. Z wokeńckom jog’ starcyła,
z brunym wóckom glědała.