1. Teptana jo šćažcycka.
:,: Chtóga jo ju huteptał :,:

2. Huteptał ju huteptał
:,: Rjedny gólcyk na jgru k nam. :,:

3. Wjacor pozd[ź]e na jgru k nam,
:,: Zajtša rano ze jgry dom. :,:

4. Husćili se husćili
:,: ’Šykne gólcy Njabožkojsḱe. :,:

5. Kśjechu jogo łapaśi,
:,: Kśjechu jogo zrubaśi. :,:

6. Źo jog’ lubka słyšała
:,: Swójej nowej kómoŕe, :,:

7. Swójej nowej kómoŕe,
:,: Swójej bjełej póstoli. :,:

8. Och ty luba lubcycka,
:,: Kak mógał ja domoj pśiś? :,:

9. ›’Cu śi dobru radu daś,
:,: ›’Cošli ty mje pošłušaś.‹ :,:

10. ’Cu śi deŕe pošłušaś,
:,: Jano mógał domoj pśiś. :,:

11. Hoblakła jog’ hoblakla
:,: Swoju suknju zelonu. :,:

12. Pśewjezała jom’ pśewjezała
:,: Swóju šorcu bjełonu. :,:

13. Spasała jom’ spasała
:,: Swój ten pasyk žyźany. :,:

14. Stawiła jom’ stawiła
:,: Swój ten šleweŕ bjełony. :,:

15. Hobuła jom’ hobuła
:,: Swóje creje somotowe. :,:

16. Scyniła jom’ scyniła
:,: Swój ten šańśik žyźany. :,:

17. Powdała jom’ powdała
:,: Dwa tej kružka bjełonej. :,:

18. Pósłała jog’ pósłała
:,: Po tu wódu po stuźonu. :,:

19. ›’Rótnik luby ’rotnik mój,
:,: ›Pušć mje wen to źówcyšćo;‹ :,:

20. ›Až mje wódy pśinjaso
:,: ›Teje wódy stuźoneje.‹ :,:

21. Kake jo to źówcyšćo
:,: We tej sukni zelonej? :,:

22. Na janom boce wótšy mjac,
:,: Na druǵem pak noža dwa. :,:

23. Rjedny źješo z mósta dołoj,
:,: Wjasole se zahuska. :,:

24. Mjej źjek mója lubcycka,
:,: Až sy mje tak zwarnowała. :,:

25. Až sy mje tak zwarnowała.
:,: Móje młode žyweńe. :,:

26. Ty dejš njento mója byś,
:,: Žedna druga ńedej byś. :,:

27. ’Cu śi lejdyš zhoblakaś
:,: Z tym źe drogim somotom. :,:

28. Daj z tym drogim somotom,
:,: Z tym źe twardym dejmantom. :,: