1. Dejało źěwčo rano stawaś,
dejała wyna, dejała wyna
tšawicku žoś.

2. Tšawicki sebje nažoła,
źo jo k njej pśišoł, źo jo k njej pśišoł
jeje luby.

3. Luby tak wjelgin zrubany jo.
»Wobal mě radneg’, wobal mě rědneg’
strowego zas.«

4. Radna jo rědneg’ wobaliła,
ga je jej radny, ga je jej rědny
ned wumrěł.

5. »Źe nět wzeju šosć młodych gylcow,
až mě meg’ radneg’, až mě meg’ rědneg’
donjasu?

6. Źe nět wzeju šosć młodych źěwčow,
až mě meg’ radneg’, až mě meg’ rědneg
pśewoźe?«

7. Na kjarchob jogo donjasechu,
wšyken se kjarchob, wšyken se kjarchob
zaswěśi.

8. To wšo tych złotych pjeršćenjow dla,
ak jo myj radny, ak jo myj rědny
skupował.

* * *

9. Nalewaj, nalewaj połny głažk!
Hyn stoj myj radny, hyn stoj myj rědny
za źurjami.

10. Ten jo tak radny, ak ten jo był,
hyšćer źem tśi raz, hyšćer źem tśi raz
rědnjejšy.