1. Žeło jo źowćo tšawicku,
pód tym mě gustu, pód tym mě gustu
rězynu.

2. Tšawicki sebje nažeło,
luby jo pśišeł, luby jo pśišeł
zazběgowat.

3. »Bźez pomocy som sebje nažeła,
bźez pomocy budu, bźez pomocy budu
zazběgnuś.«

4. Sotśicka bratša pšašašo:
»Co jo to źowćo, co jo to źowćo
groniło?«

5. »Wóne jo groniło derje dosć,
cora jo měło, cora jo měło
z drugim zlub.

6. Sedym lět som ja ju lubo měł.
Nět mě ju drugi, nět mě ju drugi
šelma wezeł.

7. Jarmarka som jej skupował
a nět ju njejsom, a nět ju njejsom
skrygował.

8. Dejał se wó źowćo biś a ryś,
ga dej wóne, ga dej wóne
móje byś.«

9. »Coš ty se wó mnjo biś a ryś,
twója ja nikula, twója ja nikula
njebudu byś.«

10. »Njocoš a njocoš ty nikul mě měś,
ga móžoš tola mě, ga móžoš tola mě
do šyškow hyś.«