1. Spiwał jo spiwał syłowik
na jadnej gustej škrokowince.
Chto ga jo za nim posłušał?
Posłušał jo ten rědny gylc.

2. »Wšykne te luźe spija a laže,
ja deb tud choźiś po tej murje.
Ja deb tud choźiś po tej murje,
za rědnym źěwču glědajucy.

3. Wšykne te źěwča rědne su,
jana pak jo tak nejrědnejša.
Wšykne te źěwča wěnkach su,
jana ta njama žanego.«

4. »Och, o mě lejdyr Božcycko,
co ga som ja kuli cyniła!
Pjerjej mygła krynuś wjeŕcha a grobu,
nět som sebje wzeła pśekupca.«

5. »Mjelc a njepłac, ty rědne źěwčo!
Pśekupc ma teke pjenjezy.
Ten myžo kupiś grod a wjažu,
jane take nowe twarjenje.«