1. Komu ja lubcycku pśirucu,
:,: Gaž źem ja na wójnu pośegnu. :,:

2. Nejṕerwej bogu samemu,
:,: Pótom pak zwjernem’ kumpanoju. :,:

3. Ja som jem’ wele peńez dał,
:,: Aby ju deŕe zastojał. :,:

4. Wón dej mje z ńeju rejowaś,
:,: Pyšne te reje zwóźowaś. :,:

5. Šykne te druģe do kjarcmy,
:,: Rjedne to źówčo za nimi. :,:

6. Šykne te druģe za blido,
:,: Rjedne to źówčo za źurja. :,:

7. Šykne te druģe do reje,
:,: Rjedne to źówčo ze jśpy wen. :,:

8. ›Och luby božko, lejderaško!
›Kak som ńerada wiźona,
›Gaž ten mój luby doma ńej’.‹

9. Luby ten jjeźo z wojny dom
Po tej źen góle zelenej,
Po tej źen droze dalokej.

10. Ṕerwy ten raz wón tam hustśeli,
:,: Lubka jom’ deŕe hurozḿe. :,:

11. Drugi ten raz wón tam hustśeli,
:,: Kumpan ten chopi se pomysliś. :,:

12. Tśeśi ten raz wón tam hustśeli,
:,: Kumpan ten źówčo nutś pórašo. :,:

13. »Pój źem ty rjedna dó jśpy nutś,
»’Comej mej gromaźe rejowaś,
»Pyšne te reje zwoźowaś.«

14. ›Ńebjech śi ṕerej dostojna,
›Ńjent ty se ze mnu pokoj daj,
›Gaž mje mój luby domoj jjeźo.‹

15. Rjedny ten jjeźo ku dwóru,
:,: Kumpan ten chopi hubjegaś. :,:

16. Rjedny ten jjeźo do dwóru,
:,: Kumpan ten bježy pśez gumno. :,:

17. »›Ńebjegaj, kumpan, ńebjegaj,
:,: »›’Comej se z wjeru huwitaś.‹« :,:

18. »›Potom pak ’comej se hopšašaś,
»›Kag’ moju lubku sy zastojał.‹« :,:

19. ›Wón jo mje deŕe zastojał,
›Ak’ wón to sam nejljepej wje.‹ :,:

20. ›Z drugimi jo wón rejował,
›Mje jo tam deŕe ńewiźeł.‹ :,:

21. Witałej stej se tam, witałej
Nejperej z bjełyma rukoma,
Potom pak z nagima mjacoma.

22. »›Pojźtej wej ģerca do jśpy nutś,
:,: »›’Grajtej wej mje tuder noc a źeń,‹« :,:

23. »›Mojej tej lubce k wjaselu,
»›Šyknym tym drugim k tuženju.‹« :,: