Serbske ludowe spěwy

Rjana Hanka pušć nas nutř

W originalnej zběrce njejsu noty k tekstej podate.

1. »Rjana Hanka pušć nas nutř,
dešćik so tak jara dźe.«

2. »Njech so dźe tak jara hač chce,
na mnje žadyn njepóńdźe.«

3. »Njechaš ty nam wočinić,
da chcemy ći zapalić.«

4. »Budźeće wy zapalić,
da budu was přeradźić.«

5. »Kak da chceš nas přeradźić,
hdyž nas njewěš mjenować?«

6. »Jedyn rajtar z klóštera,
młody pan tam z Wudworja.

7. Třećeho pak njepowěm,
toho nichtó njezhoni.«