1. Ja dźěn dyrbu wumrěć,
ja pak njewěm hdy.
Zlehnu ja tón prěni króć
tej stysknej chorosći.

2. Ke mni so nětk zejdu
wšě moji přećeljo.
Woni chcedźa pomhać,
woni njewědźa z čim.

3. Ja dźěn dyrbu wumrěć,
ja pak njewěm hdy.
Zlehnu ja tón druhi króć
tej stysknej chorosći.

4. Ke mni so tam zejdu
wšě kmótřa, susodźa.
Woni chcedźa pomhać,
woni njewědźa z čim.

5. Zlehnu ja tón třeći króć
tej stysknej chorosći.
Ke mni so přibliža
ta moja styskna smjerć.

6. Wona chce mje wumóc
z toh hrěšnoh swěta won,
wona mje tam ponjese
na zeleny kerchowašk.

7. Tym hadam a tym wakam
my pica daći smy.
Te wěnaški, te zwonaški
posleni hercy su.

8. Přećeljo z kěrchowa stupaja,
so hižom hadruja,
njerodźa, hdźe duša dźe,
hdźe wona wostanje.