Serbske ludowe spěwy

Šoł je tón hólčik

1. ||: Šoł je tón hólčik :||
tak zahe ranko won,
haj zyndom zyndom zynduška,
tak zahe ranko won.

2. ||: Što wón w tym hajku :||
tak zahe ranko chce,
haj zyndom zyndom zynduška,
tak zahe ranko chce?

3. ||: Wón b’dźe sej rubać :||
te kije klonowe,
haj zyndom zyndom zynduška,
te kije klonowe.

4. ||: Što wón z tymi kijami, :||
z kijemi klonowymi,
haj zyndom zyndom zynduška,
z kijemi klonowymi?

5. ||: Won b’dźe sej twarić :||
winkowu zahrodku,
haj zyndom zyndom zynduška,
winkowu zahrodku.

6. ||: Přilećał je tam :||
tam jedyn mały ptačk,
haj zyndom zyndom zynduška,
tam jedyn mały ptačk.

7. ||: »Kše, kše, ty ptačko, :||
ty mały njerjedźe,
haj zyndom zyndom zynduška,
ty mały njerjedźe!

8. ||: Nješćipaj winka, :||
tych małych jahodkow,
haj zyndom zyndom zynduška,
tych małych jahodkow!

9. ||: Te b’dźemoj jěsći :||
ja a lubka moja,
haj zyndom zyndom zynduška,
ja a lubka moja.

10. ||: Hdyž k wěrowanju :||
mój woboj póńdźemoj,
haj zyndom zyndom zynduška,
mój woboj póńdźemoj.«

11. ||: W prěnich tych wrotach :||
tam hercy piskaja,
haj zyndom zyndom zynduška,
tam hercy piskaja.

12. ||: W druhich tych wrotach :||
tam steji njewjesta,
haj zyndom zyndom zynduška,
tam steji njewjesta.

13. ||: W třećich tych wrotach :||
tam běłe łoža su,
haj zyndom zyndom zynduška,
tam běłe łoža su.

14. ||: Luby dźe k łožej :||
holička zapłakny,
haj zyndom zyndom zynduška,
holička zapłakny.

15. ||: »Sym-li ja hrozna, :||
da storč mje do morja,
haj zyndom zyndom zynduška,
da storč mje do morja.

16. ||: Do morja hłóbokoh, :||
do morja šěrokoh,
haj zyndom zyndom zynduška,
do morja šěrokoh.

17. ||: Sym-li pak rjana, :||
da woz’ mje sobu dom,
haj zyndom zyndom zynduška,
da woz’ mje sobu dom.«