1. »Wudaj so holička, wzmi sej ty mje,
při mni ty změješ dobry dźeń.

2. Ke mši ty njebudźeš chodźić trjebać,
to ’dźe ći stara mać naprědować.

3. Wody sej njebudźeš nosyć trjebać,
to ’dźeš sej sylzow napłakać dosć.

4. Drjewa sej njebudźeš rubać trjebać,
to ’dźe ći wo chribjet rozlětać dosć.«

5. »Z lěpšim, haj z lěpšim, ty luby mój,
hewak so žiwa ći zahrjebam.«

6. »Hrjebaj so ty aby njezahrjebaj,
z lěpšim ći tola ja njepřińdu.

7. Chceš-li ty naša nam swakowa być,
da dyrbiš hinaše wašnje měć.«

8. »Waša ja swakowa derje budu,
hinašoh wašnja ja njezměju.«