1. Hdyž pak tón hólčik
k holičcy dźe,
połćik wón tučna
pod pažu ma,

2. Zo pak wón budźe
zanki mazać,
zo woni njeb’dźa
na njoh kwičeć,

3. Zo pak wón budźe
sćicha haj nutř,
sćicha haj nutř tam,
sćicha zas won.

4. Hdyž pak tón hólčik
k holičcy dźe,
měrcu wón wowsa
pod pažu ma,

5. Zo pak jón budźe
konjom sypać
zo woni njeb’dźa
zahe rjehotać,

6. Zo pak wón budźe
sćicha haj nutř,
sćicha haj nutř tam,
sćicha zas won.

7. Hdyž pak tón hólčik
k holičcy dźe,
masku wón pšeńcy
pod pažu ma,

8. Zo pak ju budźe
honakej sypać,
zo pak wón njeb’dźe
zahe spěwać,

9. Zo pak wón budźe
sćicha haj nutř,
sćicha haj nutř tam,
sćicha zas won.