Mi je tej’ holički wutrobnje žel

2. Sama haj sydać a sama lěhać,
||: sama tež z woknješkom dele hladać. :||

3. Hdy by to była mi móžna wěc,
||: holička dyrbjała moja być. :||

4. Chcył sej ju sadźići na konika,
||: na swojoh ryzy mi konika. :||

5. Hdyž ’dźe mój ryzy kóń wustawać,
potom chcu tebje ja dele sadźić,
do tychle hustych mi konopi.«

6. »Što ha da budu ja tola jěsć,
||: we tychle hustych mi konopjach?« :||

7. »Wšak je njedaloko Boža pšeńca,
zhibuj sej přeco te stwjelca dele,
wuroń ty sebi te zornješka.«

8. »Što ha da budu ja tola pić
||: we tychle hustych mi konopjach?« :||

9. »Wšak je njedaloko čista woda,
pij ty tu wodźičku z rozumom,
zo sej ty chorosće njedopiješ.«

10. »Hdy bych ja piła piwa, wina,
||: bych była běła a čerwjena.« :||

11. Kupił jej hólčik kanku piwa,
||: kanku haj piwa a kanku wina. :||

12. »Maš, moja Hanka, a nětko pij,
||: zo budźeš běła a čerwjena.« :||

13. Kanku je piwa tam wupiła,
||: barbički sej njeje dopiła. :||

14. Kanku je wina pak wupiła,
||: barbički je sej přec dopiła. :||