1. Mi je moja lubka tu dobru nóc dała,
zo móžu hići, hdźež jenož chcu.

2. Njech pak ja du, hdźež jenož chcu,
wšě moje zrudne mysle za mnu du.

3. Mysle mje rudźa a wutroba mje boli,
to je, moje holčo, wšo twojedla.

4. Mi je moja lubka tón korbik dała,
zo dyrbju ja z nim do hribow hić.

5. Njech ja du, hdźež jenož chcu,
wšě moje zrudne mysle za mnu du.

6. Mysle mje rudźa a wutroba mje boli,
to je, moje holčo, wšo twojedla.