1. Hnał je tón wowčer swoje wowcki won
nimo toh knježeho nowoh dwora,
diradirajerom diralala,
nimo toh knježeho nowoh dwora.

2. Wowcki te běžachu klimpedyklamp,
wowčer tón ze křudom praskaše,
diradirajerom diralala,
wowčer tón ze křudom praskaše.

3. Holičo po dworje chodźeše,
na swojoh wowčerja zhladowaše,
diradirajerom diralala,
na swojoh wowčerja zhladowaše.

4. »Hdźe pak ty honiš, mój wowčerjo,
twoje te młoduške jehnjatka,
diradirajerom diralala,
twoje te młoduške jehnjatka?«

5. »Ja pak je honju dźensa zas,
hdźež sym je wčera wječor pasł,
diradirajerom diralala,
hdźež sym je wčera wječor pasł,

6. Mjez tymaj dwěmaj horomaj,
tam na tej łučce zelenej,
diradirajerom diralala,
tam na tej łučce zelenej.

7. Přińdź mi, ty holička, pomhać pasć,
ty moja lubka najlubša,
diradirajerom diralala,
ty moja lubka najlubša.«

8. Holička dźěše pomhać pasć
swojemu najlubšom wowčerjej,
diradirajerom diralala,
swojemu najlubšom wowčerjej.

9. Dele so wonaj tam sydnyštaj,
sćicha přec hromadźe wusnyštaj,
diradirajerom diralala,
sćicha přec hromadźe wusnyštaj.

10. Hdyž wonaj horje pak stanyštaj,
žanych wjac wowckow njeměještaj,
diradirajerom diralala,
žanych wjac wowckow njeměještaj.

11. »To je so stało nětk twojedla,
ty mi mjera mjerowna,
diradirajerom diralala,
ty mi mjera mjerowna.«

12. »Kajka sym mjera ja mjerowna,
hdyž sym ći prjedy prajiła,
diradirajerom diralala,
hdyž sy ći prjedy prajiła.«