1. Tam je dobra hospoda,
hdźež je młodych holcow dosć.
Tam je młodych holcow dosć
pola jenej’ wudowy.

2. Młódsa ta stwu mjećeše,
srěnju stara mać plećeše,
starša z wóknom hladaše
swojoh luboh z korčmy dom.

3. »Njehladaj ty z wóknješkom,
ale hladaj za zeličkom,
njehladaj za zeličkom,
ale staraj so za šlewjerdku.«

4. Mału chwilku traješe,
luboh z korčmy wjezechu,
wšitkoh zbitoh, rozbitoh,
wšitkoh zbitoh, zranjenoh.

5. Mału chwilku traješe,
luboh k rowu wjezechu,
wšitcy jara płakachu,
lubčička pak najbóle.

6. Luby w kašću wotmolwi:
»Mjelč wšak, njepłač, holečo!
Wšak maš w swěći druhich dosć,
wjele rjeńšich, šikwanšich.«

7. »Mi njej’ na tej rjanosći,
tejž nic na tej šikwan’sći,
ale na tej swěrnosći
a tej ćežkej lubosći.«