1. »My smy tu štyrjo wot klóštyra,
pijemy, hrajemy, wjesełi smy.

2. Njech pak my přińdźemy, hdźež my chcemy,
wšudźom nas korčmarjo witaja.«

3. »Witajće, witajće hólcy cuzi,
tajcy nam dalocy, přezpólni.«

4. »Porjedź nam, korčmarjo, karan piwa,
karan piwa ha karan wina.«

5. Hólcy so swěrnje tam napichu,
wšitko pak swěrnje tež zapłaćichu.

6. Hólcy so domoj hotowachu,
holcy wšě žałosnje płakachu.

7. »Mjelčće a njepłačće, moje holcy,
wšak maće wy tu tych wašich hólcow.«