1. Štóž chce so w swěće prolować,
tón dyrbi so dać molować,
tak rjany běły, čerwjeny,
kaž moda je,
kaž moda, moda je,
kaž w swěće moda je.

2. Holčka bě běła, čerwjena
kaž jedna róža, lilija.
Jej’ wutroba bě zmyslena,
hdźež rjane su,
hdźež rjane, rjane su,
hdźež rjane hólcy su.

3. Tak hromadźe smój chodźiłoj
a za ručki so wodźiłoj,
kaž wodnjo tak tež w nocy wšě
kaž moda je,
kaž moda, moda je,
kaž w swěće moda je.