1. »Hindraško, ty synko mój,
hdźe ha sy ty wčera wječerjał?«
||: »Moja luba maćě, po’ susoda.« :||

2. »Hindraško, ty synko mój,
što da su ći woni dawali?«
||: »Moja luba maćě, rybički.« :||

3. »Hindraško, ty synko mój,
hdźe da su je woni łójili?«
||: »Moja luba maćě, w hródźičcy.« :||

4. »Hindraško, ty synko mój,
z čim da su je woni łójili?«
||: »Moja luba maćě, z widłami.« :||

5. »Hindraško, ty synko mój,
w čim da su je woni warili?«
||: »Moja luba maćě, w kachleńku.« :||

6. »Hindraško, ty synko mój,
z čim da su je woni won ćahali?«
||: »Moja luba maćě, z kopołom.« :||

7. »Hindraško, ty synko mój,
wjele da sy ty tych rybkow zjědł?«
||: »Moja luba maćě, tón jenički kusk.« :||

8. »Hindraško, ty synko mój,
štó da je te zbótne kruški zjědł?«
||: »Moja luba maćě, tón čorny psyčk.« :||

9. »Hindraško, ty synko mój,
hdźe da tola je tón čorny psyčk?«
||: »Moja luba maćě, so rozpuknył.«1 :||

10. »Hindraško, ty synko mój,
hdźe da dyrbju ći ja łóžko słać?«
||: »Moja luba maćě, na kerchow.« :||

11. »Hindraško, ty synko mój,
hdźe da dyrbju ći ja hłójčku kłasć?«
||: »Moja luba maćě, k wječoru.« :||

12. »Hindraško, ty synko mój,
z čim da dyrbju će ja wodźěwać?«
||: »Moja luba maćě, z dornyčkom.« :||

1 W originalu steji wotchilnje wot tamnych štučkow »Maćje luba maćje, so rozpuknył, / Moja atd.«, štož je so za tute wudaće z tamnymi štučkami wurunało.