1. Kóždy mól, kóždy mól, hdyž ja dom dźěch,
da mje tam šerjenje šerješe.

2. To drje mi njebě nic šerjenje,
to bě drje maćerne swarjenje.

3. »Njeswar mje, njeswar mje, maćer moja,
ja sym tu nócku tak małko spała.

4. Swojoh sym luboh dom přewodźała,
žaneho słowčka z nim njerěčała.«

5. »Njełži mi, njełži mi, dźowka moja,
ja sym waj’ rěčeć wšak słyšała.

6. We twojej nowej mi komorcy,
tam staj sej slubiłoj swojej być.

7. Swojej sej pjeršćeńkaj přeměnjałoj,
swojej tej ručcy sej zawdałoj.«