1. Kruwarka kruwy won pušćeše,
Šołćina na prozy steješe.

2. Synka w šórcušku měješe,
kruwarka jabłučko skićeše.

3. Rjane běłe, čerwjene,
znutřka pak z jědom zawdate.

4. Kruwarka kruwy won ćěrješe,
Šołćina jabłučko jědźeše.

5. Kruwarka kruwy dom ćěrješe,
Šołćina hižo tam mrěješe.

6. Kruwarka kruwički deješe,
Šołćina na marach steješe.

7. Šołćina na marach steješe,
Šołta tón hwizdajo chodźeše.

8. Šołćina we rowje ležeše,
kruwarka wjesele spěwaše.

9. »Njebudź tak wjesoła, kruwarka,
ty hišće njejsy Šołćina.«

10. Přeco tam dźěchu k wěrowanju,
mały synk poča pak wołaći:

11. »Ty chceš być moja mi maćerka:
Ty pak sy maćerje mordarka.«