1. ||: »Štó tu chodźi po mojim rowi, :||
||: zhibuje trawu zelenu?« :||

2. ||: Chodźi tu z hroda młody pan, :||
||: zhibuje trawu zelenu. :||

3. ||: »Rjekń ty twojej młodej pani, :||
||: zo d’ri mi druhi kitel šić. :||

4. ||: W tym ja ležeć njemóžu, :||
||: w tym ja ženje njezhniju. :||

5. ||: Štwórtk je wječor zašiwany, :||
||: sobotu wječor došity.« :||

6. ||: Šoł je pan do dwora domoj, :||
||: žałosnje jara płakaše. :||

7. ||: Pani z wóknom dele hlada, :||
||: swojeho pana wuhlada. :||

8. ||: »Přečo płačeš, młody pano, :||
||: boli će twoja hłójička?« :||

9. ||: »Mje nic njeboli hłójčka moja, :||
||: a tež mi hewak ničo njej’. :||

10. ||: Ty d’riš twojom njebohom panej :||
||: jedyn druhi kitel šić. :||

11. ||: W tym wón ležeć njemóže, :||
||: w tym wón ženje njezhnije. :||

12. ||: Štwórtk je wječor zašiwany, :||
||: sobotu wječor došity.« :||

13. ||: »Štó tu chodźi po mojim rowi, :||
||: zhibuje trawu zelenu?« :||

14. ||: Chodźi tu z hroda młoda pani, :||
||: zhibuje trawu zelenu. :||

15. ||: »Ja ći druhi kitel njesu!« :||
||: Row so rjenje wotewri. :||

16. ||: »Stup ty ke mni do mojoh rowa, :||
||: wostaj sej kluče před rowom.« :||

17. ||: Młoda pani do rowa stupa, :||
||: žałosnje jara płakaše. :||

18. ||: »Přečo płačeš, młoda pani? :||
||: Je tebi žel twojoh nowoh hrodu? :||

19. ||: Je tebi žel twojoh młodoh pana, :||
||: je tebi žel dróbnych dźěćatkow?« :||

20. ||: »Mi nic njej’ žel nowoh hrodu, :||
||: mi nic njej’ žel młodoh pana. :||

21. ||: Mi nic njej’ žel dróbnych dźěći, :||
||: štož jenož małoh Michalatka. :||

22. ||: Michalatko, njebožatko, :||
||: we tujawcy ćiše spaše. :||

23. ||: Katyržinka mólička, :||
||: ta jeho rjenje kolebaše. :||

24. ||: Tej stej dwě młodej syrotcy, :||
||: tymaj wy křiwdu nječińće. :||

25. ||: Štóž b’dźe jimaj křiwdu činić, :||
||: temu so derje njepóńdźe.« :||