1. Steji topoł zeleny
wosrjedźa mi Rachlowa,
ho hej,
wosrjedźa mi Rachlowa.

2. Sydał na nim sołobik,
sołobik, tón dróbny ptačk,
ho hej,
sołobik tón drobny ptačk.

3. Sołobik leći tam a sem
na holčcyny nowy dwór,
ho hej,
na holčcyny nowy dwór.

4. Na jej’ swětło wóknješko,
na jej’ běłe pósłančko,
ho hej,
na jej’ běłe pósłančko.

5. »Ja ći njesu pójestwa,
zo twój luby wumrěł je,
ho hej,
zo twój luby wumrěł je.«

6. Holčka jara płakaše,
běłej ručcy łamaše,
ho hej,
běłej ručcy łamaše.

7. »Mjelč wšak, njepłač, holečo,
wšak je swěći hólcow dosć,
ho hej,
wšak je swěći hólcow dosć.

8. Hišće wjele šikwanšich
a tež wjele bohatsich,
ho hej,
a tež wjele bohatsich.«

9. »W swěći drje je hólcow dosć,
žadyn tola tajki njej’,
ho hej,
kaž mój luby njebohi.

10. Jara rjany njeběše,
dušne wašnje měješe,
ho hej,
dušne wašnje měješe.«