1. Za čěskimi horami
jena čista studźeńka,
ho hej,
jena čista studźeńka.

2. W njej so moła holička
rjana běła čerwjena,
ho hej,
rjana běła čerwjena.

3. Prjedy hač so wumoła,
přišłe zrudne powěsće,
ho hej,
zo jej’ luby njebohi.

4. Luboh k rowu wjezechu,
wjele ludźi za nim du,
ho hej,
wjele ludźi za nim du.

5. Wšitcy jara płakachu,
jeho lubka najbóle,
ho hej,
jeho lubka najbóle.

6. Mjelč a njepłač, holečo,
wšak je w swěći hólcow dosć,
ho hej,
wšak je w swěći hólcow dosć.

7. W swěći drje je hólcow dosć,
žadyn tola tajki njej’,
ho hej,
kaž mój luby njebohi.

8. Jenu škličku mějachmoj,
woboj z njeje jědźachmoj,
ho hej,
woboj z njeje jědźachmoj.

9. Jenu łžičku mějachmoj,
z teje po rjadu jědźachmoj,
ho hej,
z teje po rjadu jědźachmoj.

10. Jedyn pjeršćeń mějachmoj,
w tom po rjadu chodźachmoj,
ho hej,
w tom po rjadu chodźachmoj.

11. Jene jabłóčko mějachmoj,
z tom po rjadu kulachmoj,
ho hej,
z tom po rjadu kulachmoj.