1. Što ći mužo’ činja,
hdyž z piwa domoj du?
Woni sebi přeco
te kubła rózno mjecu.
Ći mužo’ činja to, de ho,
ći mužo’ činja to.

2. Što te žony činja,
hdyž z piwa domoj du?
Na tych mužow bórča,
njemdrje na nich šwórča.
Te žony činja to, de ho,
te žona činja to.

3. Što ći hólcy činja,
hdyž z piwa domoj du?
Woni sej tak juskaja,
wjesele sej spěwaja.
Ći hólcy činja to, de ho,
ći hólcy činja to.

4. Što te holcy činja,
hdyž z piwa domoj du?
Šórcuški sej runaja,
suknički sej zběhaja.
Te holcy činja to, de ho,
te holcy činja to.