1. ||: Schiliła je so jědleńka, :||
jej wupanyło holečo.

2. ||: Prjedy hač k zemi dopaže, :||
jeje ju luby popaže.

3. ||: »Njepopadaj mje, luby mój, :||
ja jara čornej ručcy mam.«

4. ||: »Na čornej ručcy njehladam, :||
ale na ličko čerwjene.

5. ||: Ličičko pak je čerwjene, :||
a jara lubje spodobne.

6. ||: Stup mi, moje holčo, na mój mječ, :||
a z mojeho mječa na konja.

7. ||: Na mojoh ryzy konika, :||
zo b’dźemoj jěć na cuzy kraj.

8. ||: To je nětk jedyn cuzy kraj, :||
što budźemoj mój kupować?

9. ||: Što da staremu nanej dom?« :||
»Jom lišči pjelc hač do zemje.

10. ||: Hdyž budźe sej jón woblěkać, :||
b’dźe na swoju dźowku spominać.«

11. ||: »Što da starej maćeri dom?« :||
»Jej běły kitl hač do zemje.

12. ||: Hdyž budźe sej jón woblěkać, :||
b’dźe na swoju dźowku spominać.«

13. ||: »Što da staršemu bratrej dom?« :||
»Jom ryzy konja rjaneho.

14. ||: Hdyž budźe wón z nim zjězdźować, :||
b’dźe na swoju sotru spominać.«

15. ||: »Što da młódsemu bratrej dom?« :||
»Jom swětły mječik do ručkow.

16. ||: Hdyž budźe wón z nim zejhrawać, :||
b’dźe na swoju sotru spominać.«

17. ||: »Što da sotřičcy mojej dom?« :||
»Jej lindyr suknju do zemje.

18. ||: Hdyž budźe so ju woblěkać, :||
b’dźe na swoju sotru spominać.«

19. ||: »Što budźemoj namaj kupować, :||
ty moja lubka najlubša?«

20. ||: »Wěnca a borty njekupuj, :||
teju mój trjebać njeb’dźemoj.

21. ||: Kup namaj radsjo kolebku, :||
zo móžemoj so kolebać.«