1. ||: Hołbik dwě běłej nóžcy ma, :||
hólčik dwě rjanej lubcy ma.

2. ||: Hdyž wón z tej jenej rěčeše, :||
da so ta druha hněwaše.

3. ||: »Njehněwaj so ty, holečo, :||
wšak tebje ja tež lubo mam.«

4. ||: »Wo tajku lubosć njerodźu, :||
hdyž tebje sama njekrydnu.«

5. ||: A wzałoj staj so za ručku, :||
a wjedłoj staj so přez łučku.

6. ||: Do poł staj łučki njepřišłoj :||
a dwaj staj hrodaj nadejšłoj.

7. ||: »Nětklej mi powěz, holečo, :||
w kotrymž ty hrodźi bydlić chceš.«

8. ||: »Bydlu, mój luby, w kotrymž je, :||
sym-li jenož přec při tebi.«