1. »Pomgaj Bog, ty stara maś!
Źo tu wašu Anku maš,
dydlomdajom dydlomdaj,
źo tu wašu Anku maš?«

2. »Naša Anka doma njej’,
wóna jo nam wumrěła,
dydlomdajom dydlomdaj,
wóna jo nam wumrěła.

3. Źinsa rowna tśeśi źeń,
ako smy ju wunjasli,
dydlomdajom didlomdaj,
na ten kjarchob Choricany.«

4. Gólcyk wobrośi kónika,
rejtowašo na kjarchob,
dydlomdajom dydlomdaj,
rejtowašo na kjarchob.

5. Tśi raz kjarchob wobrejtowa,
na jeje rowce zastašo,
dydlomdajom dydlomdaj,
na jeje rowce zastašo.

6. »Anka, co sy cyniła,
až sy mě tak wumrěła,
dydlomdajom dydlomdaj,
až sy mě tak wumrěła?«

7. »Co ga na tom swěśe cu,
wšykne luźe na mnje su,
dydlomdajom dydlomdaj,
wšykne luźe na mnje su.«

8. »Pśece smej se mysliłej,
až se skrynuś buźomej,
dydlomdajom dydlomdaj,
až se skrynuś buźomej.

9. Nět pak ja to hejgen wěm,
až se njeb’źo nikul staś,
dydlomdajom dydlomdaj,
až se njeb’źo nikul staś.«