Serbske ludowe spiwy

Gołubjašk ma běłu nožku

W originalnej zběrce njejsu noty k tekstoju pódane.

1. Gołubjašk ma běłu nožku.
Rano na pólo lětašo,
pśecej złotnikoj do wokna.
»Lěc by był pjeršćeń gótowy?«

2. »Pjeršćeń jo dawno gótowy,
hyšći njejo płaśony.«
»Co ga dejm śi za njen daś?«
»Dejš mě tolaŕ za njen daś.«

3. »Tolaŕ ja za njen rada dam.
To dej byś tej mójej lubce
na jeje rucku, na mału,
na jeje palack, na běły.«