1. ›Och luba lubcycka
›Pśewóź mje domoj!‹
»Ńebudu, ńesḿeju,
»Móterka šćoka.«

2. Móterka za źowčom
Ze šćjepku ganja
Gólcoju ze źówckom
Gromadu ńeda.

3. ›Och luba lubcycka,
›Coga ty cyniś,
›Gaž ty tej móterce
›’Šo hupojedaś?‹

4. »Pśec’ga to ńederu?
»Šak sy mje zlubił,
»Až ’coš mje zebraś.
»Wjerno ńebuźo!«

5. ›Wjerńe a z wjeru som
›Ja śi to zlubił:
›To jo tak wjerno, ak
›Na ńebju słyńco.‹

6. ›Pśec’ga ty wote mnjo
›Tak grozńe mysliš?
›Ja som śi podwólił
›Cełu hutšobu.‹

7. ›Och luba móterka,
›Pśec’ga tak šćokaš?
›Ja som to źówcyšćo
›Seb́e hugljedał.‹

8. »›Mašli ty ṕeńeze,
»›Aby hupłaśił?‹«
›Styri mam ṕeńežki
›To jo mój dobytk.‹