1. W Grodku, tam jo tak
wjele młodych gólcow.
Wšykne mě raźi
na piwko du.
Gaž su se wóni
do kjarcmy zejšli,
za blido su se
zesedali.

2. Składowachu tam,
składowachu, daj,
wšykne gromaźe
po krošyku.
»Pśinjasćo wy nam
piwka a winka,
comy wam wšykno
zwěru zapłaśiś.«

3. Gaž su se wóne
wše znapijali,
su sebje wjasele
zajuskali.
»Gaby my měli
te małe kóstki,
kśěli my swóje
lubki zejgrawaś.«

4. Rědny wuśěžo
te sedymnasćo,
spóglěda na swóju
lubu lubcycku.
»Oj, mója lubka,
rozmilona gubka,
kak śi ja lejdar
zabyś debu.«

5. Rědnemu swójej’
tak luto běšo.
Pśez druge wón pak
njesmějašo.
»Pśeskoc, ty rědna,
tu mału ławcku.
Comej se rědnje
nět wuwitaś.«