1. Wšykne te luźe leže spě,
ja deru jězdźiś pó tych nocach,
pó tych mě śmjatych wjacorach,
glědajucy tych bytšych gwězdow.

2. Kótaraž gwězda nejbytśej swěśi,
wobswěśijo wšym górkam, dołkam,
wobswěśijo wšym górkam, dołkam,
teke tej mójej lubej lubce.

3. Gaž zajtša rano źeń bywašo,
pańko tog’ knechta górjej woła:
»Stawaj mě górjej, ty jězdny knecht,
dawaj tym kónjam ten futer!«

4. »Ten futer, ako te kónje jěźe,
na mójej byłej ruce lažy.
Na jadnej ruce spi mója lubka,
na drugej wěnašk zeleny.

5. Njerad by ja ju zawołał,
njerad by teke ja ju zbuźił.
To su te naju powěsći
wót mójog’ nanka a muterki.

6. Wšym kralam, wjercham jo wótpowěźeła,
na rědneg’’ gólca jo zwóliła,
na rědneg’’ gólca jo zwóliła,
kenž dej ju nimjernje zažarbowaś.«