1. ||: Pśiźo mój luby z wjacorka, :||
z wjacorka jo ta carna śma.

2. ||: »Och, rozmilona lubka moja, :||
stań źe ty górjej a pušć mě nutś.«

3. ||: »Spo nocy nikogo njeznaju, :||
||: spo nocy nikog’ nutś njepušćiju.« :||

4. ||: »Njeznajoš ty mě tek spo nocy, :||
rozmějoš ty mě spo tej rěcy.

5. ||: Spo mójim sćicha gronjenju, :||
spo mójim zlažka kłapanju.«

6. ||: »To śi ja derje rozměju, :||
z tobu pak wěcej njeroźu.

7. ||: Ty źen sy wote mnjo dosć gronił :||
tu jadnu wjeliku źiwnu wěc.«

8. ||: »Som ja jo zgronił pijany, :||
nuchtarny cu ja jo zamjelcaś.«

9. ||: »Ga dejš ty dłujku ruku měś, :||
gaž coš wšym luźom na gubu biś.

10. ||: Ga dejš ty wjeliku płachtu měś, :||
gaž coš ty wšyknym gubu zatkaś.«