1. Co ga te luźe wót naju maju,
až wóni wót naju powědaju,
až mej tak zwěru se lubo mamej.

2. ||: Zwěru a z wěrnymi lubosćami, :||
nikula z mysli se njepušćimej.

3. ||: Njej’ tu mój nan a muterka. :||
Tej stej mě wobej zamrěłej.

4. ||: Hyšći ja jadnogo bratśika mam. :||
Ten jo se do cuzej’ zemje dał.

5. ||: Bog jo mě jadnogo wobraźił. :||
Złe luźe se mě jog’ njedachu braś.

6. ||: Cu ja se na ten bok k słyńcoju daś. :||
Tam cu ja lubego woglědaś.

7. ||: Wón sejźi kjarcmje za blidom, :||
bańcycku piwa tam pijucy.

8. ||: Pjerwjej ja domoj njepójdu, :||
až buźo z móšynu wó blido praś.

9. ||: Pśimjeła jo jogo za rucycku, :||
zawjadła jogo do póstolki.

10. How spi a lań, mój nejlubšy,
njetrjebaš kjarcmje za blidom spaś,
njetrjebaš z móšynu wó blido praś.