1. Dźens w nocy je pak jara ćma,
||: zo šćežki widźeć njej’. :||

2. Hdyž pak tam přińdźech k holičcy,
||: da njemóžach ja k njej. :||

3. Ja pak sej nan’kach rebyl tam,
||: stajich jón do wókna, :||

4. Do teho wókna wusokoh,
||: do wókna zančitoh. :||

5. Młódsa ta horje stawaše
||: a pušća hólcow nutř. :||

6. Starša ju jara swarješe,
||: što pušća hólcow nutř, :||

7. Hač stara mać to wusłyša
||: a poča wołaći. :||

8. Ja pak tam skočich z wókna dele
||: z toh wókna wusokoh. :||

9. Ja pak sej złamach rucy a nohi,
tu ruku w ramjenju,
a nohu w koleni.

10. Ha nihdy wjac tam njepóńdu
||: k tej lubcy, holičcy. :||